Memleketke 82 mln teńge zalal keltirip, salyqtan jaltarǵan qaraǵandylyq ustaldy

QARAǴANDY. QazAqparat - Qaraǵandy oblysynda 250 mıllıonnan astam teńgeni zańsyz qolma-qol aqshaǵa aınaldyrý dereginiń joly kesildi. Bul týraly QazAqparat Qarjylyq monıtorıng agenttigine silteme jasap habarlaıdy.

Salyqtar – bul memlekettik bıýdjetke tólenetin mindetti tólem. Bul qarajat mektepter, aýrýhanalar salýǵa, azamattardyń keıbir sanattaryna: kóp balaly otbasylarǵa, tabysynan aıyrylǵan adamdarǵa, múgedekterge jáne basqa da tulǵalarǵa járdemaqy tóleýge bólinedi.

Qarjylyq monıtorıng agenttigi turaqty negizde salyq tóleýden jaltarýǵa járdemdesý derekterin anyqtaıdy jáne olardyń jolyn kesedi.

Agenttiktiń Qaraǵandy oblysy boıynsha aýmaqtyq departamenti qarajatty zańsyz qolma-qol aqshaǵa aınaldyrý jáne salyq tóleýden jaltarýǵa yqpal etý deregi boıynsha oblys turǵyny M. N yǵmetti qamaýǵa aldy.

Tergeý áreketteriniń nátıjesinde azamat M.Nyǵmet qurylys-montajdaý jumystaryn oryndaýǵa mamandanǵan «Promtehstroı 2010» JShS jarǵylyq kapıtalynyń 100% úlesin satyp alǵany anyqtaldy.

Alaıda JShS atynan «KZ VEFA-STROY» JShS-men jasalǵan sharttar somasynyń 7% mólsherindegi syıaqy úshin 258 mıllıon teńgege jalǵan mámileler jasaldy, zańsyz shot-faktýralar jazyp berildi. Qurylys jáne montajdaý boıynsha qyzmetter is júzinde kórsetilmegen.

Memleketke tólenbegen salyqtar túrinde 82 mıllıon teńgeden astam somaǵa zalal keltirildi.

M.Nyǵmet 1,5 jylǵa bas bostandyǵyn shekteý jazasyna tartyldy.