Memleketke 50 mln teńge shyǵyn keldi: ShQO trassasynda 7 tonna balyq tárkilendi

ÓSKEMEN. QazAqparat – Shyǵys Qazaqstan oblysynda tasjolda toqtatylǵan KamAZ-dan zańsyz aýlanǵan 7 tonna balyq tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary «Omby-Maıqapshaǵaı» tasjolyn patrýldeý kezinde KamAZ júk kóligin toqtatqan. Onyń tizgininde Óskemen qalasynyń 31 jastaǵy turǵyny boldy.

Tekserý kezinde kólikten 280-nen astam polıetılen paketke salynǵan tıisti qujattary joq balyq tabyldy. Júrgizýshiniń aıtýynsha, ol júkti Óskemenge oblystaǵy aýyldardyń birinen alyp kele jatqan. Bul jalpy salmaǵy 7 tonnadan asatyn kókserke balyǵy. Osynyń saldarynan memleketke keltirilgen materıaldyq shyǵyn 50 mln teńgeden asyp otyr, - delingen aqparatta.

Qazirgi ýaqytta atalǵan fakti boıynsha QR Qylmystyq kodeksiniń 335-baby 4-bóligimen (balyq resýrstaryn, basqa da sý janýarlaryn nemese ósimdikterin zańsyz aýlaý, óndirý) sotqa deıingi tergeý amaldary júrgizilýde.