Memleketimizdiń zaıyrlylyq sıpaty - bul Qazaqstannyń tabysty damýynyń negizi - N. Nazarbaev
«Qazir keıbir syrtqy kúshter jastarymyzdy ıslam dininiń haq jolynan adastyryp, teris baǵytqa tartýǵa tyrysady. Olarǵa eretin bolsaq, biz apa-qaryndastarymyz ben qyzdarymyzdyń betin tumshalaǵandy bylaı qoıǵanda, olarmen bir dastarhanda otyryp, tamaq ishýden qalamyz», - dedi Nursultan Ábishuly. Prezıdenttiń paıymynsha, mundaı ulttyq tabıǵatymyzǵa jat keleńsizdikten boıdy aýlaq ustaý qajet.
«Men jastardy HHІ ǵasyrǵa, keleshektegi HHІІ qaraı jetektep otyrmyn. Al mynadaı jasalatyn dúnıeler bizdi orta ǵasyrǵa, artqa qaraı tartyp otyr degen sóz. Osyny oılanyńyzdar! Bizdiń memleketimizdiń zaıyrlylyq sıpaty - bul Qazaqstannyń tabysty damýynyń basty negizi. Osyny búgingi hám keleshek qazaqstandyq saıasatkerler jáne barsha qazaqstandyqtar jete túsingeni abzal», - dedi N. Nazarbaev.