Memleketimizdiń mártebesi bıiktep, rýhy asqaqtaı bersin – Úkimet basshysy

ASTANA. QazAqparat – Memleketimizdiń mártebesi bıiktep, rýhy asqaqtaı bersin. Qazaqstandyqtardy Respýblıka kúnimen quttyqtaǵan Premer-Mınıstr Álıhan Smaıylov osylaı dedi, dep habarlaıdy QazAqparat.

«Qurmetti qazaqstandyqtar! Sizderdi Respýblıka kúnimen shyn júrekten quttyqtaımyn!

Táýelsiz elimiz óziniń tól tarıhynda bıyl tuńǵysh ret 25 qazandy ulttyq meıram retinde atap ótedi. Memleket basshysy Qasym-Jomart Kemeluly Toqaev osynaý aıtýly kúnniń búgingi jáne keleshek urpaq aldyndaǵy tarıhı taǵlymyn alǵa tartyp, elimizdiń eń basty merekesi Egemendik kúnine ulttyq mártebe berý týraly sheshim qabyldady.

Egemendik deklaratsııasy halqymyzdyń azattyq jolyndaǵy máńgilik muratyn aqıqatqa aınaldyrǵan qasterli qujat, táýelsizdikke bastaǵan alǵashqy qadamynyń aıshyqty sımvoly bolyp qala bermek. El jadynda qaıta jańǵyrǵan mereıli mereke memlekettigimizdiń jańa dáýiriniń bastaýyna, myzǵymas birligimizdiń berik tuǵyryna aınalǵaı.

Biz – egemendik pen eldik, beıbitshilik pen kelisim sııaqty qasıetti qundylyqtardy árqashan ulyqtaı bilgen halyqpyz. Sondyqtan táýelsizdigimizdi nyǵaıtýǵa qaltqysyz qyzmet etý – árqaısymyzdyń azamattyq paryzymyz.

Barshańyzdy ulttyq merekemiz – Respýblıka kúnimen quttyqtaı otyryp, denderińizge saýlyq, otbasylaryńyzǵa baqyt, eńbekterińizge tolaǵaı tabys tileımin.

Memleketimizdiń mártebesi bıiktep, rýhy asqaqtaı bersin!» - delingen Á.Smaıylovtyń quttyqtaýynda.

Foto: primeminister.kz