Memleketaralyq standarttardyń mártebesi qandaı

NUR-SULTAN. QazAqparat - Memleketaralyq standarttar memlekettik standarttarmen birdeı mártebege ıe. Bul týraly QR Saýda jáne ıntegratsııa mınıstrliginiń Tehnıkalyq retteý jáne metrologııa komıtetiniń Ulttyq akkredıtteý ortalyǵy JShS bas dırektorynyń birinshi orynbasary Qaınar Taıjanov aıtty, dep habarlaıdy QazAqparat tilshisi.

«Memleketaralyq standarttar memlekettik standarttarmen birdeı mártebege ıe. Bul «Standarttaý týraly» zańmen qarastyrylǵan, - dedi Qaınar Taıjanov QR Prezıdenti janyndaǵy Ortalyq kommýnıkatsııalar qyzmetinde ótken onlaın-baspasóz máslıhatynda.

Onyń aıtýynsha, bul standarttardy TMD elderi ázirlep jatyr. Bul máselede eń belsendi - Reseı Federatsııasy, Belarýs jáne Qazaqstan.

«Osy standarttar boıynsha barlyq sheshim konsensýs negizinde qabyldanady jáne elde birdeı zańdy kúshke ıe», - dep atap ótti Qaınar Taıjanov.