Memleketaralyq izdeýde júrgen Ózbekstannyń úsh azamaty Astanadan tabyldy

ASTANA. QazAqparat - Elordalyq polıtseıler memleketaralyq izdeýde júrgen Ózbekstan Respýblıkasynyń úsh azamatyn ustady, dep habarlaıdy QazAqparat.

Reseı Federatsııasynda izdeýde júrgen 20 jastaǵy jigit 2022 jyly Máskeýdegi saýda úıiniń birinde urlyq jasaǵan.

Sondaı-aq shekarany zańsyz kesip ótken 36 jastaǵy jáne 2020 jyly alaıaqtyq jasady dep aıyptalǵan 43 jastaǵy er adam anyqtaldy.

Barlyq ustalǵandar Astana PD ýaqytsha ustaý ızolıatoryna qamaldy.

Olardy ekstradıtsııalaý máselesi sheshilip jatyr.

Sondaı-aq, elordalyq polıtseıler ótken jyly Dúkenulynyń boıyndaǵy garaj janynda beıtanys er adammen spırttik ishimdik iship otyryp, ony pyshaqtap ketken 45 jastaǵy er adamdy tapty.

Ol 4 jylǵa bas bostandyǵynan aıyryldy.

Eske sala ketsek, 26-28 sáýir aralyǵynda Astana qalasynyń polıtsııa departamenti «Quqyqtyq tártip» jedel-profılaktıkalyq sharasyn ótkizdi.