Memleketaralyq bank pen AHQO ózara túsinistik týraly memorandýmǵa qol qoıdy

ASTANA. QazAqparat - Astana Finance Days aıasynda «Astana» Halyqaralyq qarjy ortalyǵynyń basqarýshysy Qaırat Kelimbetov pen TMD-daǵy Memleketaralyq banktiń prezıdenti Igor Sývorov ózara túsinistik týraly memorandýmǵa qol qoıdy, dep habarlaıdy QazAqparat tilshisi. 

«Biz endigi kezekte postkeńestik keńistikte - Eýrazııa aýmaǵynda halyqaralyq qarjy ortalyǵynyń qurylǵanyn, sonymen jumys júrgizýge bolatynyn kórip otyrmyz. Buǵan deıin biz Londan, Nıý-Iork, Sıngapýr, keıin Dýbaı halyqaralyq qarjy ortalyqtaryn biletin edik. Endigi kezekte ózimizge jaqyn halyqaralyq qarjy ortalyǵy bar. Biz Máskeýde jasaı almaǵan jumysty sizder osynda iske asyrdyńyzdar. «Tartylatyn» bolamyz», - dedi Igor Sývorov.

Yntymaqtastyqtyń maqsaty - AHQO damytýǵa jaǵdaı týǵyzatyn jaǵdaılardy yntalandyrý úshin aımaqtaǵy qarjylyq ındýstrııanyń múmkindikterin jaqsartatyn senimdi negiz ben ınfraqurylymdy qoldaýǵa múmkindik týǵyzý.

Memorandýmǵa sáıkes Memleketaralyq bank naryqtyq ınfraqurylymdy damytý men ozyq tájirıbelerge negizdelgen ınvestorlardyń derekter bazasyn damytýǵa qatysty keńester men qajetti málimetterdi usynady. Taraptar kómek arnalaryn jaqsartý jáne ózara múddeler negizinde qatynastardy nyǵaıtý úshin uzaqmerzimdi yntymaqtastyq mehanızmin jasaýǵa tyrysýda.