Memleketaralyq arazdyqqa shaqyratyn sheteldikterdiń Ózbekstanǵa kirýine tyıym salynady

<p>TAShKENT. KAZINFORM&nbsp;&mdash; Ózbekstan prezıdenti Shavkat Mırzıeev túzetý engizilgen &laquo;Ózbekstandaǵy shetel azamattary men azamattyǵy joq adamdardyń quqyqtyq jaǵdaıy týraly&raquo; zańyna qol qoıdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Qujatqa saı, ultaralyq, áleýmettik jáne memleketaralyq arazdyqqa shaqyratyn sheteldikter endi elge kirýge nemese turýǵa quqyly emes dep tanylady. Ondaı azamattar Zań shyǵarý palatasynyń kengashtarty, Senat pen arnaıy ýákiletti organdardyń usynysy negizinde arnaıy tizimge engiziledi.

Osy rette el úkimetine 1 aıdyń ishinde sheteldikterdi atalǵan tizimge engizý tártibin bekitý tapsyryldy. Reestrdi Ózbekstannyń Syrtqy ister mınıstrligi júrgizedi.

Tizimge engen azamattarǵa Ózbekstanǵa kirýge, bank shotyn ashýǵa, jyljymaıtyn múlik satyp alýǵa, memlekettik múlikti jekeshelendirýge jáne túrli salada kelisimder jasaýyna tyıym salynady.

Olar tıisti reestrde 5 jyl turady. Eger osy ýaqyt ishinde azamat óziniń teris kózqarasynan aınymasa, ol tizimde 5 jyldan keıin de qala beredi.

Ózbekstanda turaqty nemese ýaqytsha turatyn sheteldik pen azamattyǵy joq adam tizimge engeni týraly habarlama alǵannan keıin 10 kún ishinde óz erkimen elden ketýi tıis.

Talapty elemegen jaǵdaıda ol azamat ishki ister organdary jáne ózge de ýákiletti vedomstvolardyń aralasýymen deportatsııalanady. Ol ýaqytta sheteldikke berilgen vıza da kúshin joıady.

Buǵan deıin keler jyly Ózbekstan úkimeti halyqty áleýmettik qorǵaýǵa 39 mln dollar baǵyttaıtyny habarlandy.