Memleket jáne qoǵam qaıratkeri Orazkúl Asanǵazyqyzy saryaǵashtyq jastarmen kezdesti
Elbasy N.Á.Nazarbaevtyń «Bolashaqqa baǵdar: rýhanı jańǵyrý» maqalasy aıasynda jáne «Jastar jylyna» oraı uıymdastyrylǵan kezdesýge aýdannyń túrli saladaǵy belsendi jáne ózge ult ókilderiniń jastary, stýdentter jáne joǵary synyp oqýshylary qatysty, dep habarlaıdy QazAqparat tilshisi.
«Bolashaq – jastardyń qolynda» taqyrybynda ótken kezdesýge aýdan ákimdigi men Jastar resýrstyq ortalyǵy muryndyq boldy.
Basqosýda basty qonaq - Orazkúl Asanǵazyqyzy jastarǵa qazaq balasynyń boıyna tán tektilikti dáriptedi. Ana tilge degen adaldyqty boıtumar etken til janashyry sondaı-aq, otbasy qundylyǵy men salt-dástúr sabaqtastyǵyn, tarıh taǵlymy men urpaq tárbıesi haqynda túsindirip ótti. Mundaı baqyttyń ekiniń birine buıyra bermeıtinin aıtqan qoǵam qaıratkeri bar jan-tánimen jastarǵa otbasynyń aman saqtap qalý kerektigin jáne búgingi qoǵamda áleýmettik jeliniń tym ashyqtyǵyn tilge tıek etti.
Jastar arasynda ajyrasýdyń da jıi oryn alyp jatqandyǵyn da aıtty. Ómirlik tájirıbelerimen bólisken til janashyry árbir jastyń boıynda týlatatyn áserli áńgimelerimen bólisip, tilegin bildirdi. Óz kezeginde Orazkúl Asanǵazyqyzynyń jastarmen kezdeskenin saryaǵashtyq jurtshylyq ta jaqsylyqqa balap, alǵystaryn aıtty.