Memleket jańa medıa ókilderimen yntymaqtastyqqa múddeli - mádenıet jáne aqparat vıtse-mınıstri A.Qyryqbaev

ALMATY. 19 qyrkúıek. QazAqparat - Almatyda ótip jatqan Qazaqstan medıakongresine qatysýshylar Internet shapshań qarqynmen damýda jáne soǵan sáıkes naryqta jańa medıa paıda bolýda, dep atap ótti.

Atap aıtqanda, QR mádenıet jáne aqparat vıtse-mınıstri Arman Qyryqbaev Internet qazirdiń ózinde memleket pen qoǵam ómrinde zor ról atqaryp kele jatqanyn atap kórsetti. «Aqparattyń orasan zor tasqyny ótýde jáne olar ártarapty, ártúrli baǵytta, bul jaǵdaıda memleket jańa medıa ókilderimen yntymaqtastyqqa múddeli», - dedi ol.

A.Qyryqbaevtyń aıtýynsha, memleket bul baǵytty qoldaıtyn bolady. «Biz óz naryǵymyz bolýy jáne ózimizdiń dúnıelerimizdi óndire alatyn jáne kórshilerimizdiń naryǵymen básekege túsýmen qatar, olarmen yntymaqtasa alatyn Qaznetti damytýǵa óte-móte múddelimiz», - dep atap kórsetti vıtse-mınıstr.

Ol aýdıtorııanyń nazaryn belgili bir oıyn erejelerine aýdardy. «Bul endi qoǵam ómiriniń úlken ýchaskesi bolǵandyqtan, onyń belgili bir erejeleri bolýy tıis. Bul erejelerdi barlyǵyna túsinikti bolýy úshin medıanaryq qatysýshylary birlese túzýi qajet. Oıyn erejesin saqtaý degenimiz, ıaǵnı, zań aıasynda áreket etý degen sóz», - dep túıindedi Arman Qyryqbaev.