Memleket ulttyq fılmder túsirilimin qarjylandyrýdy jalǵastyrady

ASTANA. QazAqparat - Respýblıkalyq bıýdjettegi ońtaılandyrýǵa qaramastan, ulttyq fılmderdiń túsirilimderin qarjylandyrý jalǵasady. Búgin Ortalyq kommýnıkatsııalar qyzmetindegi baspasóz máslıhatynda QR Mádenıet jáne sport mınıstrligi mádenıet jáne óner isteri departamentiniń dırektory Aqtoty Raıymqulova osylaı málim etti.

«Qazirgi kezde biz ekonomıkalyq ahýaldy eskerýimiz kerek. Naqty kórsetkishterdi (qarjylandyrý kólemin) men ázirge aıta almaımyn, sebebi respýblıkalyq bıýdjet áli qarastyrylǵan joq. Árıne, biz ózimizdiń usynysty engizdik. Bular birinshi kezekte bıyl bastalǵan jobalardy jalǵastyrýǵa negizdelgen qarjylandyrý. ıAǵnı, osy jobalardy aıaqtaýdy kózdep otyrmyz», - dedi A.Raıymqulova. Sonymen qatar ol mınıstrlik demeýshilik qarjyny tartýmen aınalysyp jatqanyn atap ótti. «Qazirgi kezde mınıstrlikte memlekettik-jekeshelik áriptestik boıynsha qarjy tartý aıasynda eleýli jumystar júrgizilýde», - dep toqtaldy departament basshysy.