Memleket tegin vaktsına alýǵa múmkindik jasap otyr – Alekseı Tsoı

NUR-SULTAN. QazAqparat – Koronavırýstan PTR test emes, vaktsına qorǵaıdy. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Memleket qarjysy esebinen vaktsınatsııa shyǵyny óteledi. Tegin vaktsına alyńyzdar. Eń bastysy, PTR test sizderdi koronavırýs ınfektsııasynan qorǵaı almaıdy. Al vaktsına – qorǵaıdy. Sondyqtan aýyrǵyńyz kelmese, qorǵanysta bolýdy qalasańyz, onda sizge memleket tegin vaktsına alýǵa múmkindik jasap otyr. Eger, azamattar túrli sebeptermen vaktsına alǵysy kelmese, onda (PTR test tapsyrýǵa) aqsha tóleýge týra keledi», - dedi Densaýlyq saqtaý mınıstri Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Aıta keteıik, elimizde KVI-ǵa qarsy vaktsına alýdan bas tartatyn qyzmet kórsetý salasynyń, ónerkásip kásiporyndarynyń jáne ózge de uıymdasqan ujymdardyń qyzmetkerleri úshin mindetti PTR-testileý talaby engiziledi. Testini ár 7 kún saıyn ótip turý qajet.