Memleket sýbsıdııalaıtyn jumys oryndary 90 myńnan 211 myńǵa artty - Eraly Toǵjanov
«Jumyspen qamtý máselesi arnaıy qurylǵan vedomstvoaralyq komıssııanyń 6 otyrysynda qarastyrylǵan bolatyn. Memlekettik organdarǵa, óńirlerge 50-den astam naqty tapsyrmalar berildi. Onyń ishinde búkil kemshilikke baılanysty tapsyrmalardy óńirler aldy. Jalpy, Jumyspen qamtý jol kartasy boıynsha jobalardyń tórtten biri bilim salasyndaǵy nysandarǵa qatysty. Onyń ishinde 1 400-ge jýyǵy mektep, balabaqsha, ınternattardy quraıdy», - dedi ol.
Onyń atap ótýinshe, jobalarǵa 50 paıyz qyzmetkerlerdi jumyspen qamtý ortalyqtary arqyly tartý talaby tolyq oryndalyp otyr. «Eńbek» baǵdarlamasy aıasynda 6 myńnan astam mıkrokredıtter men granttar berilip jatyr. Onyń ishinde 30 paıyzyn az qamtylǵan jáne kópbalaly otbasylar, múgedektigi bar azamattar jáne jastar quraıdy. Memleket tarapynan sýbsıdııalanatyn jumys oryndarynyń kólemi 90 myńnan 211 myńǵa ósip otyr.
«Asqar Uzaqbaıuly, halyqty jumysen qamtý maqsatynda tıisti memlekettik organdar men ákimdikterge birinshiden, jumyspen qamtý aıasyndaǵy memlekettik baǵdarlamalardaǵy tetikterdi tıimdi ise asyrýdy, ekinshiden árbir jumystan bosatylǵan azamatpen jumys jasap, memlekettik qoldaý kórsetýdi, úshinshiden, memleketten bólinip jatqan qarajatty maqsatty túrde paıdalanýdy qamtamasyz etýdi tapsyrýyńyzdy suraımyz», - dep ótindi Eraly Toǵjanov Premer-Mınıstr Asqar Mamınnen.