Memleket saýda sóreleriniń shyǵynyna sýbsıdııa tóleýi múmkin

<p>Saýda jáne ıntegratsııa mınıstri Arman Shaqqalıev Májilistegi saýda saıasatyn damytý máselelerine arnalǵan Úkimet saǵatynda saýda sóreleriniń shyǵynyn sýbsıdııalaýdy usyndy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

«Baǵa sharyqtap barady. Biz saılaýshylarmen kezdesken saıyn mindetti túrde osy suraq kóteriledi. Mysaly, baǵa Jańa jylǵa qarsy syıaqy alǵan kezde kóterilgen, Jańa jyl merekelerine baılanysty kóterilgen, aýa raıynyń kúrt qubylýyna baılanysty kóterilgen, janar-jaǵarmaıdyń qymbattaýyna baılanysty kóterilgen, gazdyń tapshylyǵyna baılanysty kóterilgen... Bireý jótelse de, túshkirse de aýyl sharýashylyq taýarlarynyń baǵasy qymbattaı beretin boldy. Siz aıtqandaı 4-5 paıyz ǵana qymbattaǵan joq qoı, bul qazir eselep qymbattap ketti. Osyny kórip otyryp baǵany basqaryp otyrmyz dep qalaı aıta alamyz? Basqaryp otyrsańyzdar, nege taýar baǵasy jańaǵydaı jaıttarǵa táýeldi bolady?» - dep surady Májilis depýtaty Erbolat Satybaldın.

Mınıstr Arman Shaqqalıev ajıotajdy suranysqa toıtarys berý elde qoımalar kóp bolý kerek degen paıym aıtty.

«Bizde qandaı da bir taýardyń tapshylyǵy týyndaıtyny týraly ıshara paıda bolsa, ajıotajdy suranys bolyp ketedi. Qanttyń máselesi ony anyq kórsetti. Olaı bolmaý úshin saqtaıtyn qoımalar bolý kerek. Áleýmettik mańyzǵa ıe taýarlarǵa kelsek, qus eti men sút ónimderi boıynsha ımportqa táýeldilik áli bar. Ol tapshylyqty joıý úshin Aýyl sharýashylyǵy mınıstrligi jol kartasyn iske asyryp jatyr.

Al biz baǵasyn ústemesin baqylap, deldaldardy joıý sharalaryn qabyldap jatyrmyz. Eń kerek másele – saýda sóreleri qoljetimdi bolý kerek. Kelesi jylǵa saýda sórelerin sýbsıdııalaý týraly usynystar bar. Eger saýda jelileri ózimizde óndiriletin taýar satatyn bolsa, sórelerdiń shyǵynyn 15-20 paıyz kóleminde sýbsıdııalaımyz», - dedi vedomstvo basshysy.