Memleket pen úkimettik emes uıymdardyń ózara yntymaqtastyǵy jobasy júzege asýda
Atalǵan joba 2017 jyldyń sáýir-qazan aılary aralyǵyn qamtıdy. Maqsaty qazaqstandyq úkimettik emes uıymdardyń jáne bastamashyl qoǵamdyq toptardyń memleket ómiriniń túrli áleýmettik salalarynda qoǵamdyq bastamalardy qoldaıtyn memlekettik organdarmen ózara yntymaqtastyǵynyń deńgeıi men sapasyn arttyrý.
Jobada qamtylatyn negizgi mindet - memlekettik organdardyń úkimettik emes uıymdarmen ózara árekettestiginiń qazirgi jaǵdaıdaǵy tıimdiligin taldaý. Budan bólek, memlekettik organdardyń úkimettik emes uıymdarmen ózara árekettestigin kúsheıtýge baǵyttalǵan qoǵamdyq pikir almasýlar men semınarlar ótkizý, memlekettik organdardyń úkimettik emes uıymdarmen ózara árekettestigin kúsheıtý jáne olardyń tıimdiligin arttyrý boıynsha usynymdar jasaý qarastyrylady. Joba aıasynda ózara tıimdi yntymaqtastyqtyń tetikterin ázirleý de kózdeledi.
Sonymen qatar, memleket pen úkimettik emes uıymdardyń ózara yntymaqtastyǵynyń deńgeıin arttyrý jobasy úkimettik emes uıymdar men memlekettik organdardyń áleýmettik seriktestigi salasyndaǵy ózara iskerlikti taldaý jáne jetildirý joly arqyly qalyptasqan jaǵdaıdy kórip, saraptaýǵa baǵyttalǵan. Usynylyp otyrǵan zertteýdiń ózektiligi syrtqy jáne ózge de áreket etýshi faktorlardyń yqpalyn eskere otyryp qazirgi ýaqyttaǵy azamattyq qoǵamnyń talaptaryna saı anyqtalady. Bul jańa strategııany anyqtaýǵa jáne osymen qatar áleýmettik damý salasyndaǵy oryndalyp jatqan josparlarǵa ózgeris engizýge septigin tıgizedi.
«Joba aldyǵa qoıǵan maqsattaryna qol jetkizse, úkimettik emes uıymdardyń memlekettik baǵdarlamalardy júzege asyrýdaǵy róli jaıly jurtshylyqtyń jáne turǵyndardyń habardar bolý deńgeıi arta túsetin bolady. Úkimettik emes uıymdardyń qoǵamdaǵy áleýmettik mańyzdy máselelerdi sheshýge qosatyn áleýeti de arta túspek. Bul óz retinde memlekettik organdar qyzmetiniń ashyqtyǵynyń kórsetkishi bolyp tabylady jáne memlekettik qurylymdar men Azamattyq qoǵam ınstıtýttaryna degen senimdi arttyrady», - delingen baspasóz baıanynda.