Memleket pen onyń negizgi zańy bir-birimen tyǵyz baılanysty qundylyqtar - Hangeldi Ábjanov

ALMATY. 27 tamyz. QazAqparat /Erlik Erjanuly/ - Konstıtýtsııalyq mártebesi bar zańnamalyq aktiler Qazaq dalasynda qoldanylǵanyn «Esim hannyń eski joly», «Qasym hanyń qasqa joly», Áz-Táýkeniń «Jeti jarǵysy» dáleldep otyr.

Ony Shoqan Ýálıhanov atyndaǵy tarıh jáne etnologııa ınstıtýtynyń dırektory Hangeldi Ábjanov keshe Almatyda ótken "QR Konstıtýtsııasy - eldiń damýy men gúldenýiniń berik negizi" dep atalatyn dóńgelek ústel jıynynda aıtty.

"Memleket pen onyń Negizgi Zańy bir-birimen tyǵyz baılanysty qundylyqtar. Óıtkeni eldegi turaqtylyqty saqtaý, adamdardyń quqyǵyn qorǵaý úshin pármendi ári júıeli Ata Zań kerek. Patshalyq Reseıdiń quramyndaǵy qazaqtarda memleket te bolǵan joq, Konstıtýtsııa da bolǵan joq. Keńestik jyldary biz 1926. 1937, 1978 jyldary 3 Konstıtýtsııa qabyldadyq. Táýelsiz Qazaqstannyń tuńǵysh Konstıtýtsııasy 1993 jyly qabyldandy", - deıdi tarıh ǵylymynyń doktory, professor Hangeldi Mahmutuly. Onyń aıtýynsha, 1995 jyly qabyldanǵan Konstıtýtsııany qabyldaýǵa bizdiń elimiz ǵasyrlar boıy jınaqtalǵan jaýapkershilikpen keldi.