Memleket menshigindegi energııa nysandary bıýdjet qarajaty esebinen jóndelýi tıis
«Memleket menshigindegi energııa nysandary bıýdjet qarajaty esebinen jóndelýi tıis. Al jeke nysandar «ınvestıtsııany tarıfke almastyrý» baǵdarlamasy aıasynda menshikti qarajat esebinen jańǵyrtylýy tıis. Úkimet bul mindetti sheshýge jedel túrde kirisýi qajet», - dedi Qazaqstan Prezıdenti.
Memleket basshysy jylý elektr ortalyqtarymen qatar jylý jelileriniń jaǵdaıy da syn kótermeıtindigin bas aıtty.
«Búginde 1,5 myń shaqyrymnan astam jylý jelisi shuǵyl arada aýystyrýdy jáne jóndeýdi qajet etedi. Olardyń ortasha tozýy 75 paıyzdan asyp túsedi. Al Arqalyq, Rıdder jáne Shemonaıha qalalaryndaǵy jeliler tolyqtaı tozǵan. Úkimetke 3 jyldyń ishinde atalǵan máseleni sheshý kerek. Komıssııa baıandamasyna sáıkes, sóz 528 mlrd teńge jaıynda bolyp otyr. Bul qarajatty bıýdjettik kredıtteý jáne tarıftik saıasat arqyly qarastyrý qajet», - dedi Qasym-Jomart Toqaev.