Memleket menshigindegi 33 nysan satýǵa shyǵaryldy
10:59, 12 Shilde 2023
ASTANA. QazAqparat – Qańtar-maýsym aılarynda memleket menshigindegi 369 nysan 306 mlrd teńgege satyldy, dep habarlaıdy QazAqparat tilshisi.
Bul týraly QR Premer-Mınıstriniń orynbasary – Qarjy mınıstri Erulan Jamaýbaev Úkimettiń búgingi otyrysynda aıtty.
«Jekeshelendirýdiń 2021-2025 jyldarǵa arnalǵan keshendi josparynda 658 obektini satý kózdelgen. Jyl basynan beri 6 aıda 306 mlrd teńge somasyna 369 obekt satyldy jáne keıinnen satyp alý quqyǵymen senimgerlik basqarýǵa berildi. Taǵy 33 obekti satýǵa qoıyldy», - dedi Qarjy mınıstri.
E. Jamaýbaevtyń aıtýynsha, 64 obekti qaıta uıymdastyrýǵa jáne taratýǵa jiberildi.
Taǵy 192 obekti satý aldyndaǵy daıyndyqta tur.