Memleketke qaıtarylǵan aktıvter: 12 mıllıard qaıda jumsalmaq

<p>ASTANA. KAZINFORM &ndash; Aktıvterdi qaıtarý boıynsha júrgizilip jatqan jumystar aıasynda tizilim sýbektilerimen <strong>12 mlrd</strong> teńgege áleýmettik jobalardy iske asyrý boıynsha <strong>4</strong> kelisimge qol qoıyldy. Bul týraly Bas prokýratýranyń Aktıvterdi qaıtarý jónindegi komıtetiniń baspasóz qyzmeti málim etti.&nbsp;</p>

Bıyl qyrkúıek aıynda Memleket basshysy Qazaqstan halqyna Joldaýynda «Zańsyz ıemdenilgen aktıvterdi memleketke qaıtarý týraly» Zańnyń sýbektileri áleýmettik-mádenı obektilerdi salýǵa qatysýy qajettigin atap ótken edi. 

Júıeli jumys nátıjesinde quny 12 mlrd teńgege áleýmettik jobalar iske asyrylmaqshy.  

Solardyń biri — Almaty qalasynda zamanaýı mádenıet ortalyǵyn salý jobasy.

«Ǵımarattyń aýdany úsh myń sharshy metrden asady jáne arnaıy zaldar men ámbebap kórme alańdaryn, bilim berý jáne demalys oryndaryn qamtıdy. Nysan iske qosylǵannan keıin jyl saıyn halyqtyń áleýmettik osal toptarynan kelýshilerge tegin repetıtsııalar men sheberlik sabaqtary ótkiziledi dep kútiledi», — delingen habarlamada.

Taǵy bir mysal, Shymkentte muqtaj otbasylardy odan ári qamtamasyz etý úshin memleket menshigine ótetin kópqabatty turǵyn úı qurylysy qolǵa alynbaqshy. 

Prokýratýranyń málimetinshe, bul baǵyttaǵy jumys jalǵasyn tabady. 

Buǵan deıin habarlaǵandaı, zańsyz aktıvterdi qaıtarý boıynsha arnaýly memlekettik qorǵa 176,3 mlrd teńge jınaldy.