Memleket kepildik bergen zań kómeginiń bıýdjeti artýy múmkin – Qanat Mýsın

NUR-SULTAN. QazAqparat – QR Ádilet mınıstri Qanat Mýsın memleket kepildik bergen zań kómeginiń bıýdjetin arttyrýǵa múmknidik bar ekenin aıtty. Astanada ótken «Zamanaýı advokatýra problemalary jáne olardy sheshýdiń joldary» atty dóńgelek ústelde osyn másele kóterilgen bolatyn, dep habarlaıdy QazAqparat tilshisi.

BAQ ókilderine bregn suhbatynda Respýblıkalyq advokattar alqasynyń tóraǵasy Aıdyn Bıkebaev bul problemanyń mánin túsindirdi.

«Memleket kepildik bergen zań kómegi boıynsha advokattarǵa tólenetin qalamaqy mólsheri tómen. Bir aıda advokattar bul qyzmet aıasynda 80 myń teńge alady. Oǵan 10 protsent jeke tabys salyǵy salynady. Odan basqa áleýmettik salyq retinde 2 aılyq eseptik kórsetkish tólenedi. Basqa da salyqtar bar. Ár advokat jarna tóleıdi. Mysaly, Almatyda onyń kólemi 5,5 myń teńge. Sonda bizdiń esepteýimiz boıynsha, memleketten alatyn 80 myń teńgeniń 50 paıyzdan astamy tólemderge ketedi. Advokat jeke jumys isteýi úshin kabınet jaldaýy kerek. Osyndaı qıyndyqtar bar. Soǵan memleket tarapynan kómek suraımyz. Óıtkeni advokattyń bedeli bolý úshin, onyń jumysy sapaly bolý úshin ózgerister kerek», - dedi ol.

Aıtýynsha, byltyr bul tólemge respýblıkalyq bıýdjetten búkil Qazaqstan boıynsha 1,8 mlrd teńge bólingen eken.

«Bir advokatqa bir aıda 4 is júrgizgeni úshin 80 myń teńge beriledi degen sóz. Bir istiń qalamaqysy –20myń teńge. Bul, árıne, qyzmet sapasyna áser etýi múmkin. Jalpy Qazaqstan boıynsha 5700 advokat tirkelgen. Byltyr sonyń 1800-i memleket kepildik bergen zań kómegin kórsetti», - dedi qaýymdastyq basshysy.

Onyń paıymynsha, zańǵa tıisti ózgerister engziý kerek.

«Bizder, advokattar tergeýshiniń ózine táýeldimiz. Qalamaqyny alý úshin tergeýshiniń qoly qoıylǵan qaýly kerek. Artynan júgirip júremiz. Ol durys pa? Táýelsizdik osydan bastalady. Bizdiń esebimiz boıynsha qylmystyq isterdiń 70 paıyzynda advokattar osyndaı problemalarǵa jolyǵady. Ony sheshý úshin zańdy, tólemaqyl tártibin ózgertý kerek. Bizdiń bul másele boıynsha ustanymyz aıqyn. Advokatqa qalamaqy tóleý úshin tergeýshiniń qoly qoıylǵan qaýly qajettigi týraly talap kúshin joıýy kerek», - dedi Aıdyn Bıkebaev.

QR Ádilet mınıstri Qanat Mýsın bul talap orynsyz ekenin aıtady.

«Ózderińiz bilesizder, bıýdjetten tólenetin ár aqshanyń tıisti qujattary bolýy kerek. Tergeýshiniń qaýlysy advokattyń jumys istegenin aıǵaqtaıdy. Sondyqtan bul qujat qajet. Ony alyp tastasaq, ornyna basqa bir qujat bolýy kerek. ıAǵnı, bul talapty joıý problemany sheshpeıdi.

Byltyr memleket kepildik bergen zań kómegine bıýdjetten tólenetin qalamqyǵa 1,8 mlrd teńge bólingen bolatyn. Bıyl 2,3 mlrd bólinip otyr. Búgin tańda zańnama turǵysynan problema joq. Biraq qarjylandyrý jetkilikti me degen másele bar. Bul bıýdjet jylynda únemi retteledi. Sheshimin tabamyz dep oılaımyn. Búgingi tańda qarjy jetkilikti. Qajet bolsa, kóbeıte alamyz», - dedi mınıstr.