Memleket qatysatyn mamandandyrylǵan salalyq bankterdi qurýǵa jol berilmeıdi
«Aýyl sharýashylyǵy taýarlaryn óndirýshilerdiń qajettilikterin qanaǵattandyrý maqsatynda qarjy qyzmetterinde qyzmeti depozıtter tartý múmkindiginsiz aýyl sharýashylyǵyna kredıt berýge baılanysty ámbebap kommertsııalyq bankterdi, kredıttik seriktestikterdi, túrli mamandandyrylǵan mekemelerdi qamtıtyn kóp deńgeıli júıe qalyptastyryldy. Sonymen qatar, salaǵa kredıt berýge ekinshi deńgeıdegi bankter aýyl sharýashylyǵy óndirisiniń maýsymdyq sıpatyna, tabıǵı-klımattyq jaǵdaılarǵa táýeldilikke, túrli qarjy quraldarynyń jetkiliksiz damýyna, sondaı-aq qaryz alýshylarda qolaıly kepildi qamtamasyz etýdiń bolmaýyna baılanysty az tartylady», - dep atap ótedi Úkimet basshysy jaýabynda.
Sondaı-aq, ol táýelsiz memleket qurý jáne qarjy júıesin damytý kezeńinde Qazaqstanda kóptegen mamandandyrylǵan bankter jumys istegenin, is júzinde árbir ónerkásip salasynyń óziniń qarjy ınstıtýty bolǵanyn atap ótedi.
«Alaıda, keıinnen bul bankter (Gaztorgbank, Qazagroónerkásipbanki) ámbebap boldy nemese buzyldy. Osyǵan baılanysty, «Qazaqstan Respýblıkasyndaǵy bankter jáne bank qyzmeti týraly» Qazaqstan Respýblıkasy Zańynyń 3-baby 7-tarmaǵyna sáıkes Qazaqstan Respýblıkasynda «Qazaqstannyń turǵyn úı qurylys jınaq banki» aktsıonerlik qoǵamyn qospaǵanda, memleket qatysatyn mamandandyrylǵan salalyq bankterdi qurýǵa jol berilmeıdi», - dedi Álıhan Smaıylov.