Memleket qasiretti qańtar oqıǵasyna qatysty jaıttardy jasyrmaı, ashyq aıtyp jatyr – Marat Báshimov

NUR-SULTAN. QazAqparat – Qazaqstandyq saıasattanýshy, ulttyq qoǵamdyq senim keńesiniń múshesi Marat Báshimov eldegi jappaı tártipsizdikter, onyń saldarynan zardap shekken jandardyń taǵdyry men memleket ustanymyna qatysty pikir bildirdi, dep habarlaıdy QazAqparat tilshisi.

«Bas prokýratýranyń málimetinshe, elimiz boıynsha jappaı tártipsizdikter saldarynan 4578 adam zardap shekken. ıAǵnı 4353 adam jaraqat alǵan, onyń ishinde 3393 qarýly kúsh qyzmetkeri bar. Tótenshe jaǵdaı kezinde máıithanaǵa 225 mert bolǵan adam jetkizilgen. Olardyń jartysy jappaı tártipsizdikke qatysqan buzaqylar. Ókinishke qaraı, qaza bolǵandardyń ishinde beıbit turǵyndar da bar. Memleket beıbit azamattardyń qurban bolǵany jaıly jasyrmaı aıtyp otyr. Qaza bolǵandardyń sanyna qarap, qasiretti qańtar oqıǵasynyń qanshalyqty aýqymdy ekenin túsinýge bolady», - dedi Marat Báshimov.

Onyń aıtýynsha, jappaı tártipsizdikter kezinde bolǵan ár fakt jiti zerttelip, tekserilýi tıis.

«Memleket basshysy Qasym-Jomart Toqaev memlekettik quzyrly organdardyń qyzmeti barynsha ashyq ári obektıvti bolýy úshin bar jaǵdaıdy jasap jatyr. Osylaısha «qasiretti qańtar» oqıǵasyna qatysty barlyq jaıt jasyrylmaı, ashyq aıtylyp jatyr. Buny qoǵam men sarapshylar da kórip otyr», - deıdi ol.