Memleket kásipkerlerdiń ótinishine qulaq asty - Rýstam Júrsinov
«Jaqsy jańalyq. Bas memlekettik sanıtarlyq dáriger Ashyq-ta «kók» mártebesi bar qazaqstandyqtar úshin shekteýlerdi alyp tastaý týraly qaýlyǵa qol qoı̆dy. Eki apta buryn QR Premer-Mınıstriniń orynbasary E.L. Toǵjanovqa «kók» mártebesi bar kelýshilerge qatysty jumys istep turǵan bıznes obektileri úshin qyzmetti shekteý jónindegi karantındik sharalardyń sharttaryn qaı̆ta qaraýdy surap hat joldaǵan edim. Maǵan SOO (Saýda oıyn-saýyq ortalyqtary) ıeleri men jalǵa alýshylarynan bıznes úshin jaǵdaı̆dy jeńildetýge, atap aı̆tqanda, Ashyq-ta «kók» mártebesi bar kelýshilerge qyzmet kórsetýge qatysty máseleni sheshýge kómek kórsetý týraly kóptegen ótinish tústi, ótinishter áli de túsip jatyr», - dep jazdy R. Júrsinov áleýmettik jelidegi paraqshasynda.
Onyń aıtýynsha, SOO-da kóptegen qásipker qyzmet atqarady, ondaǵy kásipkerler tek saýdamen ǵana emes, ózge qyzmet túrimen de aı̆nalysady. Qazir olardyń tabysy tómendegen, bul olardyń bıznesine ǵana emes, jalpy elimizdiń ekonomıkasyna da keri áserin tıgizdi.
«Ashyq» jobasy boı̆ynsha júrgizilgen taldaý nátıjelerine sáı̆kes, kelýshilerdiń 23%-ǵa jýyǵy «kók» mártebege ıe. Tıisinshe, SOO-ǵa kelýshiler sany 20%-ǵa qysqardy. Al QR Bas sanıtarlyq dárigerdiń 2022 jylǵy 13 qańtardaǵy 1 qaýlysyna sáı̆kes, SOO-ǵa jáne basqa da obektilerge tek «jasyl» mártebesi bar adamdar ǵana kire aldy.
«Bul máselege qatysty turǵyndar da narazylyq tanytýda, óı̆tkeni «kók» mártebesi bar adamdar aýyrmaı̆dy jáne basqalarǵa qaýipti emes. Sondyqtan olardyń qoǵamdyq oryndarǵa barýyn shekteý SOO-larda oryndardy jalǵa alýshylarynyń kiristeriniń edáýir kólemin (50% jáne odan kóp) joǵaltýǵa jáne olardyń qyzmetiniń shyǵyndylyǵyna, salyq tóleý ári qyzmetkerlerge jalaqy tóleý problemalaryna ákeledi. Búgingi tańda is júzinde bankrottyq satysynda turǵan bıznes mundaı̆ sheshimniń saldaryna tótep bere almaı̆dy jáne muny ShOB qatty synǵa alýda. Karantındik sharalar ári qaraı̆ da saqtalatyn bolsa, ShOB tarapynan memleketke degen senimsizdik artady. Qazirgi ýaqytta keı̆bir shet elder mindetti talaptardy alyp tastap, olardy usynymdyq talaptarǵa aýystyrýda. COVID endemııalyq aýrýǵa aı̆nalǵandyqtan, vaktsınatsııadan ótý qajettiligine nazar aýdarady», - dedi ýákil.
«Jaqynda bıznes-qoǵamdastyq ókilderimen kezdesý barysynda Memleket basshysy Qasym-Jomart Toqaev shaǵyn jáne orta bıznesti qoldaýǵa nazar aýdarýǵa ári bıznes júrgizý úshin qolaı̆ly jaǵdaı̆ jasaýǵa shaqyrdy. Memleket kásipkerlerdiń ótinishine qulaqasqany qýantady», - dedi Rýstam Júrsinov.
Budan buryn habarlanǵandaı, jaqynda QR Bas memlekettik sanıtarııalyq dárigeri Aıjan Esmaǵambetova «Ashyq» jobasyna qatysýshylar úshin qoldanystaǵy shekteýlerdi jeńildetýdi kózdeıtin qaýlyǵa qol qoıdy.