Memleket qarjysyn basqarý tujyrymdamasy ázirlenedi - UEM

NUR-SULTAN. QazAqparat – Memleket qarjysyn basqarý tujyrymdamasy ázirlenedi. Bul týraly Úkimet otyrysynda QR Ulttyq ekonomıka mınıstri Áset Erǵalıev aıtty, dep habarlaıdy QazAqparat tilshisi.

«Memleket qarjysynyń tıimdiligin arttyrý maqsatynda Memleket qarjysyn basqarý tujyrymdamasy ázirlenedi. Tujyrymdama bıýdjet saıasatyn, memlekettik jáne kvazımemlekettik boryshty basqarý, sondaı-aq Ulttyq qordyń qarajatyn qalyptastyrýyn jáne paıdalanýyn basqarý máselelerin qamtıdy», - dedi ol.

Mınıstrdiń atap ótýinshe, bıýdjet qarjysyn basymdyqqa saı jumsaýdy qamtamasyz etý úshin «bloktyq» bıýdjetti jáne jańa bıýdjettik qaǵıdalardy, sondaı-aq bıýdjettik lımıtterdi bólýdiń obektıvti ádistemesin engizý kózdeledi. Jan basyna qaraı qarjylandyrý tetigin qoldaný keńeıtiledi.

«Mıkro jáne shaǵyn bıznes sýbektileri úshin eńbekaqy tóleý qorynan biryńǵaı tólem engiziledi. Bul osy tólemderdi esepteý men tóleý tártibin ońaılatýǵa, sondaı-aq eńbekaqy tóleý qoryna túsetin jalpy júktemeni 2023 jyldan bastap 34 paıyzdan 25 paıyzǵa deıin tómendetýge múmkindik beredi», - dedi Áset Erǵalıev.