Memleket qarjylandyratyn sport túrlerine toǵyzqumalaq pen asyq atýdy qosý usynyldy
«Ulttyq sportty damytý mindeti tur. Búgingi kúni elimizdiń 500 myńnan asa azamaty ulttyq sport túrlerimen aınalysady. Ol óte jaqsy. Biraq, ony ary qaraı damytý kerek. Dástúrli sportty balalar arasynda dáriptep, urpaǵymyzǵa durys tárbıe berý mindeti alymyzda tur. Osy maqsatta bilim berý uıymdarynda dene tárbıesi sabaqtarynda ulttyq sport túrleri boıynsha mindetti komponent qoldanysqa engizildi. Qazaq kúresi memlekettik sporttyq tapsyrys aıasynda qarjylandyrylatyn sport sektsııalarynyń qataryna qosyldy. Memlekettik sporttyq qarjylandyrylatyn sport túrleriniń qataryna toǵyzqumalaq pen asyq atýdy qosý usynystary da túsip jatyr. Mınıstrlikke muny da qaraýdy suraımyz», - dedi Altaı Kólginov Mádenıet jáne sport mınıstrliginiń keńeıtilgen alqa otyrysynda.
Onyń atap ótýinshe, ulttyq sport salasynda Qazaqstannyń áleýeti zor.
«Túrkııada ótken tórtinshi Dúnıejúzilik kóshpendiler oıyndarynda jaqsy nátıje kórsetip, 9 júldege qol jetkizildi. Kelesi besinshi kóshpendiler oıyndary 2024 jyly Qazaqstanda ótedi. Soǵan qazirden daıyndalý kerek. Federatsııaǵa kómek kórsetemiz», - dedi vıtse-premer.
Foto: qazaqstan.tv