Memleket qarjylandyratyn basym sport túrleri 100-ge deıin qysqartylady – zań jobasy

<p><strong>ASTANA. KAZINFORM &ndash; Elimizde memlekettik bıýdjetten qarjylandyrylatyn 180 basym sport túri bar. Aldaǵy ýaqytta olardyń sany 100-ge qysqartylmaq.</strong></p>

Májilistiń áleýmettik-mádenı damý komıtetinde «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý, sondaı-aq normalardy shekten tys (shekten tys) zańnamalyq retteýdi alyp tastaý týraly» zań jobasy talqylanyp jatyr.

«Basym sport túrleri – óte kúrdeli másele. Sondyqtan qazirgi ýaqytta olardyń sany – 180. Onyń ishinde olımpıadalyq, paralımpıadalyq baǵdarlamalarǵa kiretin túrleri qalady. Jazǵy olımpıadalyq sport túrleri – 46, qysqy sport túrleri – 15. Sonymen qatar ulttyq sport mindetti túrde basym sport túrlerine kiredi. Munan bólek olımpıadalyq emes, máselen, 4 jylda bir ret ótetin Azıada oıyndaryna kiretin de sport túrleri bar. Solardyń bárin qosqanda 100 sport túri qalady», - dedi zań jobasyn tanystyrǵan Týrızm jáne sport vıtse-mınıstri Serik Jarasbaev.

Onyń atap ótýinshe, jergilikti atqarýshy organdar úshin sporttyń basym túrleri tizbesin aıqyndaý quzyreti beriledi. Sebebi qazirgi tańda jergilikti olımpıadalyq emes sport túrlerine 53-ten 110-ǵa deıin sport túri damyp keledi.