Memleket ınvestklımatty jaqsartý turǵysynda ózin reformalaýy kerek - Sýma Chakrabartı
«Osy daǵdarysty jaqsy eńsergen elderge qarasaq, bul rette eki fazany túsiný kerek. Birinshi faza – daǵdarysty basqarý. Meniń oıymsha, ólim-jitim jaǵdaıyna qarasaq, Shyǵys Azııa osy baǵytta jaqsy qadamdar jasady. Al vaktsınalaý deńgeıine nazar aýdarsaq, AQSh pen Izraıl, sondaı-aq Ulybrıtanııa táýir kórsetkishterdi baıqatty. Sondyqtan keıbir elder birinshi fazaǵa qaraǵanda, ekinshi fazada (vaktsınalaýda) ózin jaqsy kórsete aldy. Bul óz kezeginde memlekettik josparlaý júıesi fýntsııasynyń nátıjesi bolyp otyr», - dedi Sýma Chakrabartı «Astana FINANCE DAYS 2021 konferentsııasy aıasyndaǵy sessııa jumysynda.
Onyń aıtýynsha, bul máselede birneshe mańyzdy qadamdar bar. Birinshiden, jumys oryndary men eńbek naryǵyn saqtaı otyryp, ekonomıkany qalpyna keltirý. Osy oraıda shaǵyn jáne orta bıznes kásiporyndary boıynsha kóptegen jumys oryndary bosap qaldy.
«Bul jaǵdaılarda memleket belsendi qadamdar jasaýy tıis. Memlekettik apparat reformalary daǵdarys men pandemııaǵa qatysty keıinge shegerildi. Táýekelder Qazaqstanmen qatar, basqa da elderge de qatysty. Memleket ózine kóshbasshylyq róldi ala berse, memleket ekonomıkany basqarýdy jalǵastyra berse, adamdar osyǵan úırenip alýy múmkin. ıAǵnı naryqtyń ekonomıkany basqarýy nazardan tys qalýy yqtımal», - dedi Sýma Chakrabartı.
Osy oraıda ol naryq ekonomıkany basqarýy kerek ekenin atap ótti.
«QR Prezıdentiniń keńesshisi retindegi meniń rólime toqtalsam, ekonomıka men sharýashylyqtyń naryqqa baǵyttalǵan modelin qurýǵa ekpin qoıylyp otyr. Sondyqtan ınvestıtsııalyq klımatty jaqsartý, barsha reformalardy jalǵastyrý turǵysynda memleket ózin reformalaýy tıis ekenin aıtýymyz kerek. Bizdiń josparlaǵan damý protsesi ornyqty bolýy tıis, ıaǵnı qazba shıkizatyn paıdalanýdy qysqartý mańyzdy. Energııa tasymaldaýshylardyń qazba kózderine ǵana senim artý dástúri ótken kúnniń enshisinde. Otyn-energetıka teńgeriminiń qurylymyn ózgertý kerek», - dedi sarapshy.