Memleket halyqtyń osal tobyna kommýnaldyq qyzmetterdi tóleýge kómektesedi - Saǵyntaev
12:42, 16 Sáýir 2020
ALMATY. QazAqparat - Almaty qalasynyń ákimi Baqytjan Saǵyntaev áleýmettik osal toptarǵa kommýnaldyq tólemderdi tóleýge kómek kórsetiletinin aıtty, dep habarlaıdy QazAqparat tilshisi.
Almaty ákimi bul máseleniń memlekettik komıssııa otyrysynda talqylanǵanyn jetkizdi.
«Esterińizde bolsa, biz alǵashqylardyń biri bolyp kommýnaldyq qyzmetter tólemin eki aıǵa shegergenbiz. Osyǵan baılanysty, qosymsha sheshim qabyldandy. Memlekettik komıssııanyń sheshimimen halyqtyń áleýmettik osal toptaryna eki aı 15 myń teńge bólinedi. ıAǵnı, eger jeke shot 20 myń teńgege kelse, onyń 15 myńyn memleket jabady. Qalǵan bes myń teńgeni ózderi tóleýi kerek. Bul qoldaý halyqtyń áleýmettik álsiz toptaryna ǵana kórsetiletin bolady», - dedi ákim.