Memleket Gosagro saıtyna jyl saıyn 150 mln teńge jumsap otyr

<p>ASTANA. KAZINFORM &ndash; Memlekettik kórsetiletin qyzmetterdi damytý jáne agroónerkásip keshenin tsıfrlandyrý departamentiniń dırektory Bernat Alpysbekov ortalyq kommýnıkatsııalar qyzmetinde ótken brıfıngide Sýbsıdııalaýdyń memlekettik aqparattyq júıesin tehnıkalyq súıemeldeýge qansha bıýdjet aqshasy jumsalatynyn aıtty.</p>

Vıtse-mınıstr jýrnalıst suraǵyna bergen jaýabynda atalmysh júıe bıyl irkilissiz jumys istep turǵandyqtan, sýbsıdııalar ýaqytynda berilip jatyr dep esepteıtinin aıtty.

«Júıe bıyl irkilissiz jumys istedi. Sharýalardyń bári sýbsıdııasyn ýaqytynda alyp jatyr. Qazirgi erejeni ózgertý baǵytynda másele bar. Biraq dál qazir júıe erejeler baǵytynda búkil talaptarǵa saı», - dedi ol.

Onyń aıtýynsha, 90 myń qoldanýshysy bar saıttyń jumysyn tehnıkalyq súıemeldeý úshin birshama qarajat ketip jatqan kórinedi.

«Al júıeni súıemeldeý qansha shyǵyn ketip jatyr degenge kelsek, bıyl shamamen 150 mln teńge bólingen. ıAǵnı, onyń qyzmetine 90 myń qoldanýshy júginip otyr. Іshinde qarjy ınstıtýttary, aýyl sharýashylyǵy basqarmalary, nesıe seriktestikteri, sýbsıdııanyń barlyq baǵyty kirgen. ıAǵnı bul aqsha júıeni tehnıkalyq jaǵynan súıemeldeýge jumsalady. Onyń ishinde jergilikti oryndarda da qoldaý kórsetý kerek bolyp jatady», - dedi  Bernat Alpysbekov.

Byltyr Májiliste atalmysh portaldaǵy irkilisterdiń kesirinen fermerlerdiń 90%-y tıisti tólemnen qaǵylǵany týraly problema kóterilgen edi.

«Aýyl sharýashylyǵy mınıstrliginiń málimetine sáıkes búginde sýbsıdııalaýdyń biryńǵaı memlekettik aqparattyq júıesi arqyly 6,1 mlrd teńgege 1,5 myń ótinim maquldanǵan. Al ótken jyly 57,5 mlrd teńgege maquldanypty. Osylaısha ótken jylmen salystarǵanda nebári 10 paıyzdan asa soma ǵana tólengenin kórip otyrmyz. Bul degenimiz fermerlerdiń 90%-y gosagro.kz júıesiniń jumysynan tıisti tólemderdi ala almady. Sonymen qatar 51,4 mlrd teńge el ekonomıkasyn tolyqtyrǵan joq», - degen bolatyn depýtat Aıdarbek Qojanazarov.