Memleket dári-dármek baǵasyn bıyldan bastap retteıdi
Onyń sózine qaraǵanda, mınıstrlik QR Básekelestikti qorǵaý agenttiginiń dárilik zattardyń qunynyń negizsiz ósýine jol bermes úshin preparattar baǵasyna memlekettik retteý engizý qajettiligi týraly bastamasyn qoldaıdy.
«Ásirese, zeınetkerler men balalarǵa kún saıyn qajetti ómirlik mańyzdy dárilik zattarǵa qatysty. Tıisti retteýsiz olardy naryqqa shyǵarý óte qıyn. Atalǵan faktordy zertteý kezinde kez kelgen farmatsevtıkalyq kompanııa men dárihana dári-dármektiń baǵasyn eselep kóteretini anyqtalýda. Osy oraıda óte úlken aıyrmashylyq oryn alady jáne buǵan barlyq farmkompanııalar umtylýda»,-dedi E. Baıjúnisov.
Bul turǵyda ol Densaýlyq saqtaý mınıstrligi atalǵan agenttikpen birlese normatıvtik-quqyqtyq aktini ázirlegenin, sondaı-aq endi barsha Qazaqstan boıynsha atalǵan dárilerge shekti baǵa bekitiletinin jetkizdi.
«Meniń oıymsha, bizdiń usynysymyz ázirge Úkimettiń buıryǵymen jáne qaýlysymen ótedi. Biraq ta jalpy bul normany biz maýsymnan bastap Májiliste qaralatyn «Halyq densaýlyǵy jáne densaýlyq saqtaý júıesi týraly» kodekske túzetýlerde bekitýdemiz. Dárilerge memlekettik retteý bıyldan bastalýy tıis»,-dep túıdi vıtse-mınıstr.