Memleket bergen sýbsıdııaǵa týǵan-týystardyń páterin jaldaýǵa bolmaıdy – Otbasy bank

NUR-SULTAN. QazAqparat – Osyǵan deıin basqa sanat boıynsha úı kezeginde turǵan keı qazaqstandyqtarǵa jańadan bastalǵan jalǵa beriletin baspana sýbsıdııasyn alýǵa ruqsat berý múmkindigi qaralady. Bul týraly Otbasy bank AQ basqarma tóraǵasy Lázzat Ibragımova málim etti, dep habarlaıdy QazAqparat tilshisi.

«Baǵdarlama erejesine sáıkes, sýbsıdııa alǵan azamattarǵa otbasy múshesi nemese jaqyn týystarynyń páterin jalǵa alýǵa bolmaıdy. Bul shara atalǵan baǵdarlamanyń ashyqtyǵyn qamtamasyz etý jáne bólingen qarjynyń maqsatty jumsalýy úshin qabyldanyp otyr. Ótken aptada Nur-Sultan qalasynda úlken uıym ujymymen kezdestim. «Baqytty shańyraq» dep atalatyn uıymda 50-ge jýyq otbasy erekshe jáne múgedek balalardy tárbıelep otyr. Ata-analardyń aıtýlarynsha, kóp jaǵdaıda erekshe bala bolǵandyqtan páter ıeleri olarǵa jalǵa bergisi kelmeıdi eken. Osy oraıda olar jaqyn týystarynyń páterin jaldaýǵa ruqsat surap otyr», - dedi Lázzat Ibragımova ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, bank basshysy jýyrda bastalǵan jalǵa beriletin turǵyn úı sýbsıdııasyn berýge qatysty ózgeristerdiń bolýy múmkindigin aıtty.

«Keıbir erekshe nemese múgedek bala tárbıelep otyrǵan otbasylar kezinde turǵyn úı kezegine turǵan. Mysaly, tolyq emes otbasy degen sanat boıynsha baspana kezeginde turǵandar bar. Al jalǵa beriletin turǵyn úıge sýbsıdııa alýshylar qataryna tolyq emes otbasy sanaty kirmeıdi. Endigi ýaqytta atalǵan sanatqa jatatyn otbasylar jalǵa beriletin turǵyn úıge sýbsıdııa alý baǵdarlamasyna qatysýǵa ruqsat berýin surap otyr. Biz atalǵan usynysty qarastyratyn bolamyz. ıAǵnı ındýstrııa jáne ınfraqurylymdyq damý mınıstrligimen birge qarap, qoǵam talqysyna salmaqpyz», - deıdi ol.

Buǵan deıin habarlaǵanymyzdaı, jalǵa beriletin turǵyn úıge sýbsıdııa alýdyń reti túsindirildi.

Odan bólek, erteń 23 myń qazaqstandyq jalǵa beriletin turǵyn úıge sýbsıdııa alýǵa shaqyrtý alady.