Memleket basshysynyń Jambyl oblysyna saparynan vıdeo jarııalandy

TARAZ. QazAqparat – Aqorda Prezıdent Qasym-Jomart Toqaevtyń Jambyl oblysyna jumys saparynan vıdeo jarııalady, dep habarlaıdy QazAqparat.

Eske salaıyq, búgin QR Prezıdenti Jambyl oblysyna jumys saparymen bardy.

Q.Toqaev jazýshy Sherhan Murtazanyń eskertkishine gúl shoǵyn qoıǵannan keıin zııaly qaýym ókilderimen áńgimelesti.

Keıin Memleket basshysy Sherhan Murtaza atyndaǵy Halyqaralyq Taraz ınnovatsııalyq ınstıtýtynyń Stýdentter úıinde oqý ornynyń oqytýshylarmen jáne stýdenttermen kezdesti.

Baızaq aýdanynyń Kóktal aýyldyq orta mektebiniń jumysymen tanysqan Qasym-Jomart Toqaev ustazdar qaýymymen júzdesip, jańa ári jaıly mektepte bilim alyp jatqan oqýshylarǵa tabys tiledi. Baızaq aýdany Myrzataı aýylyndaǵy «Áýlıe Ata Fenıks» qus fabrıkasynda tsehtardy aralap kórdi.

Odan ári Prezıdent qarapaıym aýyl turǵynynyń turmys-tirshiligimen tanysý úshin jeke qosalqy sharýashylyǵyn júrgizip otyrǵan Qostóbe aýyly turǵynynyń úıine bardy. Baızaq aýdanynyń Sarykemer aýylynda jańa emhanadaǵy zamanaýı joǵary tehnologııaly qurylǵylardy óz kózimen kórip qaıtty.

«Kóne Taraz» tarıhı-mádenı ortalyǵynda kórmeni aralap kórgen Memleket basshysy, qolóner sheberleriniń birinen qamshy satyp aldy.