Memleket basshysynyń usynysy Úkimettiń tıimdiligin arttyrady - saıasattanýshy
«Birinshiden, endi úkimet eldiń áleýmettik-ekonomıkalyq jaǵdaıyna jaýapty bolady. Úkimetti Parlament quryp, mınıstrlerdi aýystyra alady. Parlamentte belsendi depýtattar otyrady. Osylaısha, Úkimet jumysynyń tıimdiligi artady», - deıdi saıasattanýshy.
B.Ábdiǵalıdiń aıtýynsha, endi Prezıdent syrtqy saıasat, qorǵanys, ulttyq qaýipsizdik máselelerine kóp nazar bólse, ózge salalar Úkimettiń nazaryna aýysady.
Aıta keteıik, keshe QR Prezıdenti Nursultan Nazarbaev otandyq telearnalar arqyly bılik tarmaqtary arasynda ókilettikterdi bólý máseleleri jónindegi úndeýin jarııa etti. Onda Prezıdenttiń áleýmettik-ekonomıkalyq protsesterdi retteýdegi birshama ókiletterin Úkimetke jáne basqa da atqarýshy organdarǵa berý, Úkimetti jasaqtaýda Parlamenttiń rólin kúsheıtý qarastyrylǵan.