Memleket basshysynyń syny oryndy - Danııar Aqyshev

ALMATY. QazAqparat - QR Ulttyq bankiniń tóraǵasy Danııar Aqyshev Memleket basshysynyń qarjy ınstıtýtynyń jumysyna qatysty aıtqan syn-pikiri týraly túsinikteme berdi, dep habarlaıdy QazAqparat tilshisi.

Danııar Aqyshev Elbasynyń syny óte oryndy ekenin aıtty.

«Ulttyq bank 2008-2009 jyldardan beri qordalanǵan máselelerdi sheshýde qarjylyq retteýshi retinde keshigip qalǵany ras. Statıstıka kórsetkendeı, nashar kredıtter portfeliniń 90 paıyzy 2006 jyldan bastap berilgen. ıAǵnı, nesıe resýrstaryn durys basqarmaǵan bankterdiń jumysy birneshe jyl boıy qordalana kele jaqynda ǵana jarııa boldy», - dedi Ulttyq bank basshysy.

Aqyshev bul túıtkildi máseleler endi qaıtalanbaıtynyn aıtty.

«Daǵdarys qaıtalanbas úshin Ulttyq bank bankterdiń jaǵdaıy nasharlaǵan kezde preventıvti áreket etý quraldaryn jetildirmek. Biz Ulttyq banktiń baqylaý fýnktsııalaryn kúsheıtetin zań jobasyn jasadyq. Bul zańdy qazir jan-jaqty talqylap jatyrmyz», - dedi Aqyshev.