Memleket basshysynyń Abaı oblysyna saparynyń vıdeosy jarııalandy

SEMEI. QazAqparat – QR Prezıdenti Qasym-Jomart Toqaevtyń Abaı oblysyna jasaǵan jumys saparynyń vıdeosy jarııalandy, dep habarlaıdy QazAqparat BORT-1 Telegram-kanalyna silteme jasap.

Eske salaıyq, búgin Memleket basshysy Abaı oblysyna bardy.

Prezıdent, aldymen, óńir jurtshylyǵymen kezdesti. Onyń barysynda óńirde 65 densaýlyq nysany salynatynyn, Abaı oblysy aýmaǵynda aýqymdy geologııalyq zertteý jumysyn júrgizý qajettigin, Semeıde jylý elektr ortalyǵyn salyp, ınfraqurylymdy jańartý kerektigin aıtty. Sondaı-aq halyqaralyq standartqa jáne ekologııalyq normalarǵa sáıkes keletin qoqys polıgonyn salýdy tapsyrdy.

Keıin Q.Toqaev Semeıde Muhtar Áýezov pen Qaıym Muhamedhanovqa ornatylǵan eskertkishtiń ashylý saltanatyna qatysty.

Odan ári Prezıdent Semeı qalasynda M.Áýezov atyndaǵy pedagogıkalyq kolledjge bardy. Nevzorovtar atyndaǵy beıneleý óneri mýzeıin aralap kórdi.