Memleket basshysy: Joǵary laýazymdy sheneýnikterdiń jazalanýy - zań aldyndaǵy teńdiktiń kórsetkishi
Búgin Astanada Qazaqstan Respýblıkasy sýdıalarynyń VII sezinde QR Prezıdenti Nursultan Nazarbaev osylaı málim etti, dep habarlaıdy QazAqparat.
Memleket basshysy zań men sot aldynda barlyǵy birdeı ekenin qadap aıtty.
"Qazirgi kezde júrgizip jatqan sybaılas jemqorlyqpen kúres aıasynda birneshe mınıstrler de, ákimder de jaýapkershilikke tartyldy, sonymen qatar túrli býyndardaǵy basshylar, mınıstrlerdiń orynbasarlary men urlyqpen qolǵa túsken "EKSPO-2017" basshylyǵy jazalaryn aldy. Bul óz kezeginde zań aldynda barlyǵynyń birdeı bolýy qaǵıdasy saqtalyp otyrǵanyn dáleldeıdi", - dep toqtaldy Prezıdent.
Memleket basshysy óz kezeginde sýdıalar qatarlaryndaǵy tazalyqqa únemi nazar aýdaryp otyrýy tıistigin atap ótti.
Elbasy zańdylyqtyń saqshysy bolǵan sýdıa zańdy buzýǵa quqy joq ekenin aıta kele, sondyqtan memlekettiń sot bıliginiń bedelin túsiretin jaǵdaılarǵa jol bermeý kerektigin tapsyrdy.
Aıta keteıik, sezge sýdıalar korpýsy, Parlament depýtattary, ortalyq memlekettik organdardyń basshylary, sondaı-aq zańgerler qaýymdastyǵynyń, halyqaralyq uıymdardyń, BAQ pen ÚEU ókilderi shaqyryldy. Barlyǵy 600-den astam delegat pen forým qonaqtary qatysýda.