Memleket basshysy jergilikti ónimdi anyqtaıtyn ádisti jetildirýdi usyndy
Qasym-Jomart Toqaev jergilikti ónimdi anyqtaıtyn ádistiń ózin jetildirý kerek dep sanaıdy. Al onda ekiushtylyq pen ártúrli túsinik bolmaýy kerek. Bul óz kezeginde ónerkásip saıasatyn durys qurýǵa, qoldaý mehanızmderin tıimdi paıdalanýǵa múmkindik beredi. Sonymen qatar satyp alý protsesiniń barlyq kezeńderin ashyq ótkizý mańyzdy jumystyń biri.
«Jurttyń satyp alý jospary men sharttary týraly aqparatqa qol jetkize almaýy, qupııa sóz baılasyp sheshim qabyldaý degen sııaqty árekettiń bári ótken kúnniń enshisinde qalýy tıis. Bul mańyzdy máselede oń ózgerister bastalǵanyn aıta ketkim keledi. Atalǵan salany tsıfrlandyrý «qısynsyz» sheshimderdi tez anyqtaýǵa jáne súzgiden ótkizýge, artyq baǵalardyń aldyn alýǵa jáne sapaly taýarlar men kórsetiletin qyzmetterdi satyp alýǵa múmkindik beredi. Tenderler men konkýrstyq komıssııalardyń sheshimderi arasynda kelispeýshilik týyndaǵan jaǵdaıda ondaı daýlardy sheshýdiń ashyq mehanızmin ázirleý qajet. Osy jáne basqa da aspektiler «Kvazımemlekettik sektordaǵy satyp alý týraly» Zańda bekitilýi kerek. Zań jobasy Parlamentke jiberildi. Depýtattardan muny osy sessııada muqııat qarap, qabyldaýdy suraımyn», – dedi Prezıdent.