Memleket basshysy «Jańa Qazaqstannyń» basty qundylyqtaryn atady

NUR-SULTAN. QazAqparat – QR Prezıdenti Qasym-Jomart Toqaev Úkimettiń keńeıtilgen otyrysynda halyqqa usynylyp otyrǵan «Jańa Qazaqstan» saıasatynyń basym baǵyttaryn atady, dep habarlaıdy QazAqparat tilshisi.

«Jańa Qazaqstandy» qurý úshin ádil ári túsinikti memlekettik saıasat júrgizilýi kerek. Bul saıasat sanasyz sheneýnikterdiń jónsizdigine jol bermeıdi. Básekege jáne tehnologııaǵa negizdelgen ekonomıkany qalyptastyrady. Sonymen birge jeke menshikke, adamnyń quqyqtary men bostandyǵyna qol suǵylmaýyna zań ústemdigi arqyly kepildik beredi», - dedi Memleket basshysy.

Sondaı-aq, Q.Toqaev «Jańa Qazaqstandy» qurýǵa ár azamattyń atsalysýyn surady.

«Barlyq azamattarǵa birdeı múmkindik jasaıtyn da osy saıasat. Árkim Qazaqstannyń bolashaǵyna jaýapty ekenin sezinip, ortaq iske úlesin qosýy kerek. Jurt memleketten ashyq ári túsinikti saıasat júrgizýdi talap etedi. Osy talapqa saı bolýymyz qajet», - dedi Prezıdent.