Memleket basshysy «ZENITH» zaýytynyń jumysymen tanysty
Kásiporyn qurylys materıaldaryn shyǵarýmen jáne túrli maqsatta qoldanylatyn nysandar salýmen aınalysady.
Qasym-Jomart Toqaev kásiporyn tsehtaryn aralap, zaýyt ónimderimen tanysty. Munda beton, irgetas bloktary, kirpish sekildi qurylys materıaldary óndiriledi. Taıaýda zaýytta tómen qysymdy polıetılennen dıametri úlken qubyrlar shyǵaratyn óndiristik jeli iske qosyldy. Ónim sharýashylyq-aýyzsý jáne tehnıkalyq sýmen jabdyqtaý qubyrlaryn salýda keńinen qoldanylady.
Kásiporyn basshylyǵynyń aıtýynsha, búginde óndiris ınfraqurylymyna 20 mıllıard teńge shamasynda ınvestıtsııa quıylǵan. Sonymen qatar zaýyt memlekettik-jekeshelik áriptestik qaǵıdaty boıynsha áleýmettik turǵyn úıler salýǵa qatysady. Kásiporyn jańa óndiristerdi iske qosyp, kóppáterli túrǵyn úılerdi paıdalanýǵa berýdi. Sonyń ishinde memlekettik baǵdarlama aıasynda jylyna 100 myń sharshy metr turǵyn úı salýdy josparlap otyr.
Zaýyt ujymymen áńgimelesý barysynda Prezıdent otandyq qurylys ındýstrııasyn damytýdyń mańyzdy ekenin atap ótti.
«Cizder ekonomıkamyzdyń laıyqty sektoryna aınaldyńyzdar. Osy sala memleket tarapynan qoldaýǵa ıe bolýyna múddelimin. Álbette, biz adal seriktes retinde qoldaý bildiremiz. Taǵy da qaıtalap aıtamyn. Shaǵyn jáne orta bıznestegi ahýal búkil ekonomıkamyzdyń damýyna eleýli túrde yqpal etedi. Sondyqtan sizder meniń udaıymda nazarymda bolasyzdar», – dedi Memleket basshysy.