Memleket basshysy usynǵan ındýstrııalandyrý úrdisi damyǵan 30 eldiń qataryna qosylýǵa septesetin birden-bir ónikti jol - jazýshy Á.Saraı
«Jasyratyny joq, dúnıe júzin órtteı sharpyǵan álemdik daǵdarys bizdiń de tún uıqymyzdy buzbaı qoımady. Jáne bul daǵdarys taza ekonomıkalyq turǵyda bolmaı, bireýdi bireý basyp alý, qarý jumsaý, kúsh kórsetý, qarama-qarsy lagerlerge toptalyp, bilek sybaný áreketterimen sabaqtas keldi emes pe? Sanktsııalar soǵysy degen bále uzaq jyldarǵa belgilengen josparymen ilgeri basyp kele jatqan bizdiń ekonomıkamyzǵa eleýli zııanyn tıgizdi. Ýaqyttyń qıyndyǵyna qaramaı, Prezıdentimizdiń tap osy kezde elin, halqyn soqtyqpaly soqpaqtan aman alyp shyǵatyn «Nurly jol» baǵdarlamasyn usynýy - halqy úshin nege bolsa da bas tigetin ójet, tabandy uldyń minezin tanytady», - deıdi qalamger.
Onyń aıtýynsha, «Nurly jol» - ǵajap baǵdarlama. Shaǵyn jáne orta bıznes Prezıdenttiń tikeleı qamqorlyǵymen memleketimizdiń basty kásip kózine aınalatyn boldy.
«Osy baǵdarlama bas-aıaǵy tórt-bes jyldyń ishinde elimizdi gúldendirip jiberetinine kámil senemin. Oǵan úlkendi-kishili ındýstrııalandyrý baǵdarlamasyn qosyńyz. Azamat soǵysynyń oıranynan keıingi «sharyq kıgen» Reseıdi osy ındýstrııalandyrý el qataryna qosty. Mártebeli basshymyz Nursultan Ábishuly usynyp, jer-jerde júzege asýyn qadaǵalap otyrǵan ındýstrııalandyrý úrdisi damyǵan 30 eldiń qataryna qosylýǵa septesetin birden-bir ónikti jol», - deıdi ol.
Sondaı-aq belgili jazýshy QHA-nyń bıyl Prezıdent saılaýyn ótkizý týraly usynysy men dálelderi kóńilge qonǵandyqtan da, bar-joǵy eki aptanyń ishinde bul usynysqa bizdegi saıası partııalar men elýden astam qoǵamdyq birlestikter biraýyzdan ún qosyp, Parlament palatalary, Úkimet, Konstıtýtsııalyq Keńes qoldaý bildirgenin atap ótti, dep jazady «Egemen Qazaqstan» gazeti.
«Endi joǵary mártebeli Elbasymyz Nursultan Ábishulynyń prezıdenttik saılaýǵa túsýine resmı kelisim berýin el atynan suraımyn», - dep túıindedi óz sózin Á.Saraı.