Memleket basshysy USAID halyqaralyq damý agenttiginiń ákimshisimen kezdesti

NЬıÝ-IORK. QazAqparat – Prezıdent Qasym-Jomart Toqaev AQSh-tyń USAID halyqaralyq damý agenttiginiń ákimshisi Samanta Paýermen kezdesti, dep habarlaıdy QazAqparat Aqordaǵa silteme jasap.

Kezdesýde damý salasyndaǵy túrli jobalardy júzege asyrýǵa basa mán berilip, Qazaqstan men Amerıka arasyndaǵy yntymaqtastyq máseleleri talqylandy.

Eske salaıyq, búgin Memleket basshysy jumys saparymen AQSh-qa bardy. Sapar barysynda birqatar kezdesý ótkizdi. Atap aıtqanda, jahandyq qarjy ınstıtýttarynyń jetekshilerimen, Grupo Los Grobo kompanııasynyń tóraǵasy Gýstavo Grobokopatelmen jáne Halyqaralyq damý ortalyǵy ósim zerthanasynyń dırektory, Garvard ýnıversıtetiniń professory Rıkardo Haýsmanmen, JPMorgan Chase & Co. kompanııasynyń tóraǵasy – bas atqarýshy dırektory Djeımı Daımonmen, Eurasia Group kompanııasynyń prezıdenti ıAn Bremmermen, S&P Global qarjylyq-taldaý kompanııasynyń vıtse-prezıdenti Denıel Ergınmen, Avstralııanyń burynǵy premer-mınıstri Kevın Raddpen, sondaı-aq shetelde turatyn ári álemniń jetekshi tehnologııalyq kompanııalarynda jumys istep jatqan 400 qazaqstandyqty biriktiretin Digital Nomads IT qoǵamdastyǵynyń ókilderimen, ERAM systems kompanııasynyń negizin qalaýshy jáne dırektorlar keńesiniń tóraǵasy Arkadıı Dobkınmen, Coursera kompanııasynyń bas dırektory Djeff Madjıonkalmen, Microsoft kompanııasynyń Ortalyq Azııa jáne Shyǵys Eýropa boıynsha bas menedjeri Mıshel Sımmonspen, Dúnıejúzilik ekonomıkalyq forýmnyń negizin qalaýshy ári atqarýshy dırektory Klaýs Shvabpen kezdesti.