Memleket basshysy Ýnıversıadanyń eń basty paıdasy týraly aıtty
"Ýnıversıada oıyndaryn ótkizý úshin Almatyny beker tańdaǵanymyz joq. Almaty - myń jyldyq tarıhy bar qala, təýelsizdigimizdiń tal besigi, óıtkeni, dəl osy Almaty qalasynda egemendi el bolǵanymyzdy jarııalaǵan edik. Bul shaharda Qazaqstannyń jańa dəýiri bastaldy. Almaty - qarqyndy damýshy, zamanaýı qala, el ekonomıkasynyń qozǵaltqyshy jəne iskerlik ortanyń mekeni. Bul - jastardyń qalasy, stýdentterdiń qalasy, bul qalada Qazaqstandaǵy ýnıversıtetterdiń úshten biri ornalasqan. Almatyda 137 myń stýdent bilim alyp júr",-dedi Prezıdent Ýnıversıadanyń ashylý saltanatynda sóz ala otyryp.
Elbasy atap ótkendeı, Ýnıversıadanyń arqasynda ataqty "Medeý" muz aıdyny jańa kelbetke enedi. "Shymbulaq" bolsa, Іle Alataý bókterindegi "almazqa" aınalady.
"Ýnıversıada oıyndarynyń paıdasy ultymyzdyń densaýlyǵyn nyǵaıta alatyn memlekettik baǵdarlamamen para-par. Ataqty ǵalym Andjello Mosso "sport júzdegen emnen artyq, biraq, eshbir em sporttaı bola almaıdy" dep beker aıtpaǵan. Bul - óte durys aıtylǵan sóz",-dedi Prezıdent.
Aıta keteıik, búgin Almatyda 28-inshi Dúnıejúzilik qysqy Ýnıversıada oıyndarynyń ashylý saltanaty ótti. Sharaǵa qatysqan QR Prezıdenti jastar saıysyna 57 elden 2 myńnan astam sportshy, myńdaǵan sport mamany men jankúıer qatysyp jatqanyn atap ótti. Ashylý rásiminde sportshylar sherýin 28-inshi Ýnıversıadanyń ıesi - Qazaqstan quramasy aıaqtady. Elimizdiń baıraǵyn shańǵyshy Dáýlet Rahymbaev alyp júrdi. El namysyn barlyǵy 175 sportshy qorǵaıdy.