Memleket basshysy Ulttyq keńes múshelerimen 26 kezdesý ótkizdi - Erlan Qarın
«Qazirgi ýaqytta Ulttyq keńes tarapynan qoǵam belsendileri, sarapshylar jáne memlekettik organdarmen ózara áreket etý, usynystar ázirleý jumystary óz jalǵasyp tabýda. Qazan aıynda ótken Ulttyq keńestiń 4-otyrysynda Memleket basshysy bergen tapsyrmalardy júzege asyrý boıynsha 21 tarmaqtan turatyn arnaýly is-sharalar jospary qabyldady. Berilgen tapsyrmalardyń tıisti túrde oryndalýy hatshylyq tarapynan baqylaýǵa alyndy. Oǵan qosa, Ulttyq keńes músheleri usynystarynyń negizinde ázirlengen tapsyrmalardyń ike asý barysy hatshylyqtyń erekshe nazarynda. Atap aıtqanda, qańtar aıynyń basynda saıası reformalardyń birinshi toptamasy aıasynda sońǵy zań qabyldanǵan bolatyn. Ol - ólim jazasynyń kúshin joıýǵa baǵyttalǵan «Azamattyq jáne saıası quqyqtar týraly halyqaralyq paktige ekinshi fakýltatıvtik hattamany ratıfıkatsııalaý týraly» QR Zańy», - dedi Erlan Qarın.
Onyń aıtýynsha,saıası reformalardyń ekinshi toptamasy boıynsha qazirgi ýaqytta 5 zań jobasy, bir Prezıdent Jarǵysy ázirlenip otyr. Saıası reformalardyń úshinshi toptamasy aıasynda aldaǵy ýaqyttyń ózinde úsh zań jobasyn ázirleý qarastyrylǵan. Olardyń ishinde saıası partııalardyń Májiliske ótý shegin 7-den 5 paıyzǵa deıin tómendetý, saıası bıýletenderine «bárine qarsymen» degen jazýdy engizý jáne basqa da bastamalar Ulttyq keńes músheleriniń usynystaryn eskere otyryp ázirlendi.
«Budan bólek memlekettik organdar men Ulttyq keńes músheleri arasynda ózara áreket etý jumystary jalǵastyryldy. 2020 jyly onlaın formatta Ulttyq keńes músheleri men mınıstrlik basshylarynyń 13 kezdesýi ótkizildi. Kezdesýler barysynda Ultyq keńes músheleri mınıstrlikterdiń jekelegen qyzmet salalary jumysyn odan ary jetildirý boıynsha óz usynystarymen bólisti. Usynylǵan máselelerdi odan ári birlesip pysyqtaý úshin keńestiń birqatar múshesi mınıstrlikter janyndaǵy jumys toptaryna shaqyryldy», - dedi ol.
Sonymen qatar ol bıyl Memleket basshysynyń Ulttyq keńes músheleri qabyldaý tájirıbesi de jalǵasqanyn aıtty.
«Ulttyq keńes qurylǵannan beri 1,5 jyldyń ishinde mundaı 26 kezdesý uıymdastyryldy. Bul kezdeýlerde aıtylǵan máseleler men usynystar hatshylyqtyń tarapynan baqylaýǵa alynǵan. Ulttyq keńes qyzmetiniń nátıjelerin qorytyndylaý jáne dıalog alańyn tıimdi nasıhattaý maqsatynda 2020 jyldyń qarasha aıynda Ulttyq keńes kz veb-saıty iske qosyldy. Budan basqa Ulttyq keńes qurylǵan sátten bastap onyń Telegram, Instagram, Facebook áleýmettik jelilerinde akkaýnty jumys isteıdi. Atalǵan jumystardyń barlyǵy ulttyq keńestiń tıimdi qyzmet etýine yqpal etedi jáne ary qaraı da bulbaǵyttarda jumys júrgiziledi», - dedi Erlan Qarın.
Eske salsaq, Prezıdenttiń qatysýymen Ulttyq qoǵamdyq senim keńesiniń otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte senim keńesiniń alǵashqy otyrysy ótti.