Memleket basshysy Úkimettiń aldaǵy keńeıtilgen otyrysynda koronavırýspen kúres máselesin talqylaıdy
«Іndet bastalǵan sátten-aq Prezıdent azamattarǵa birneshe márte úndeý jasady. Ol ár ýaqytta da eń ótkir ári ózekti máseleler boıynsha júgindi. Búgin Prezıdent taǵy da otandastarynyń aldyna shyǵýǵa jáne ulttyń rýhanı rýhyna qoldaý kórsetýge sheshim qabyldady. Prezıdent osy aılarda, aptada, kúnderi týǵan-týystary men jaqyndarynan aıyrylǵandarǵa kóńil aıtyp, 13 shildeni indet qurbandaryn Ulttyq aza tutý kúni dep jarııalady. Árıne, bul vırýsty jeńdik degendi bildirmeıdi. Prezıdent aıtqandaı ol áli de jalǵasady. Biraq, qazaqstandyqtar osylaı ózderiniń kóńilderin, birge ekendikterin bildire alady», - dedi Prezıdent keńesshisi.
Onyń atap ótýinshe, indetke baılanysty Aza tutý kúninen jarııa etken Qazaqstan jalǵyz el emes. Buǵan deıin sáýir aıynyń basynda Qytaı 3 myńnan astam qaza tabýyna baılanysty aza tutý kúnine jarııa etken bolatyn. Odan keıin mamyr aıynyń basynda 10 myńnan astam azamatynan aıyrylǵan Brazılııa, sol aıdyń sońynda indet saldarynan 26 myń turǵynyn jer qoınyna bergen Ispanııa men 92 myńǵa jýyq azamatynan aıyrylyp qalǵan AQSh aza tutý kúnin jarııa etken edi.
Sonymen qatar Erlan Qarın QR Prezıdentiniń tapsyrmasyna sáıkes, shilde aıynyń sońyna deıin alǵashqy medıtsınalyq kómek kórsetetin top sany 3,5 myń deıin jetkizilip, koronavırýs juqtyrǵandardy emdeýge arnalǵan tósek-oryn sany 70 paıyzǵa arttyrylatyndyǵyn, indet ýshyǵyp turǵan óńirlerde áskerı-medıtsınalyq qyzmet kómegimen 500-den astam tósek-oryn jasaqtalatyndyǵyn, jumys istep turǵan zerthanalarǵa qosymsha 20 PTR taldaǵyshy satyp alynatyndyǵyn, bir táýlikte jasalatyn test sany 40 myńǵa jetkiziletindigin atap ótedi. Munan bólek, Úkimet pen ákimder shuǵyl arada aýrýhanalar men halyqty qajetti dári-dármekpen qamtamasyz etý jumystaryn júrgizetindigin aıtady.
«Bólshek saýdaǵa 800 myń orama «Paratsetamol» jetkizildi. Bir aptanyń ishinde taǵy 900 myń orama jetkiziledi dep kútiledi. 150 myń orama antıbıotık qazirdiń ózinde dárihana jelilerine jiberildi. Tolyqtaı alǵanda, Prezıdent dári-dármek, ókpeni jasandy jeldetý apparatyn satyp satyp alýǵa, medıtsına qyzmetkerlerin yntalandyrýǵa 150 mlrd teńge bólýdi tapsyrdy. Tolyqtaı alǵanda, keıbir irkilister men kemshilikterge qaramastan jaǵdaı baqylaýda jáne memlekette teris stsenarııdi ustap turý úshin qajetti barlyq qor bar. Koronavırýspen kúres boıynsha qazirgi ahýal Prezıdenttiń qatysýymen ótetin Úkimettiń aldaǵy keńeıtilgen otyrysy barysynda talqylanatyn bolady», - dedi Erlan Qarın.