Memleket basshysy Tý týraly chellendjige qoldaý bildirdi

ASTANA. QazAqparat - Memleket basshysy Qasym-Jomart Toqaev akter jáne telejúrgizýshi Nurlan Qoıanbaevtyń Instagram jelisindegi Memlekettik Tý beınelengen chellendjine qoldaý bildirdi, dep habarlaıdy QazAqparat.

Eske salsaq, bıyl jazda Nurlan Qoıanbaev pikirler sany boıynsha álemdik rekord ornatý maqsatynda Memlekettik tý beınelengen chellendjdi qoldaý týraly aıtqan edi.

«Qurmetti dostar! Qazir jalaýy bar jarııalanym 12,2 mıllıon pikir jınaǵan. Biz álemdik rekordty ornatýǵa bir qadam jaqyndadyq. Gınnestiń rekordtar kitabyna ený úshin 100 mıllıonnan astam pikir jazýǵa tyrysaıyq. Eger mıllıonǵa jýyq qazaqstandyq 100 pikir qaldyrsa, bizdiń Memlekettik tý álemdegi eń tanymal beınege aınalady», - dep jazdy prodıýser Instagram-daǵy oqyrmandaryna.