Memleket basshysy: Sottyń qorytyndy úkimi jalpy qoǵamǵa da túsinikti bolýy kerek

NUR-SULTAN. QazAqparat - Sottyń qorytyndy úkimi protseske qatysýshylarǵa da, jalpy qoǵamǵa da túsinikti bolýy kerek. Bul týraly QR Prezıdenti Qasym-Jomart Toqaev Reformalar jónindegi joǵarǵy keńestiń besinshi otyrysynda aıtty, dep habarlaıdy QazAqparat.

Qasym-Jomart Toqaev qylmystyq protsesti reformalaý týraly aıtyp, azamattardyń konstıtýtsııalyq quqyqtaryn qorǵaýdy qamtamasyz etý jónindegi jumystyń basymdyǵyn atap ótti.

«Ol úshin prokýrorlar men advokattardyń sotta sóz jarys júrgizýine shynaıy jaǵdaı jasalýy, sot sheshimderine shaǵymdaný múmkindikteriniń keńeıtilýi, biryńǵaı sot praktıkasy qamtamasyz etilýi tıis. Sottyń qorytyndy úkimi protseske qatysýshylarǵa da, jalpy qoǵamǵa da túsinikti bolýy kerek», – dedi Memleket basshysy.