Memleket basshysy Sıngapýr delegatsııasyn qabyldady

ASTANA. QazAqparat – Prezıdent Qasym-Jomart Toqaev Sıngapýr Premer-mınıstri keńsesiniń mınıstri Muhamed Malıkı bın Osmanmen kezdesti, dep habarlaıdy QazAqparat Aqordaǵa silteme jasap.

Memleket basshysy Sıngapýrdyń Azııadaǵy ózara is-qımyl jáne senim sharalary jónindegi keńestiń VI sammıtine qatysýy AÓSShK úderisiniń damýyna eleýli úles qosatynyn atap ótti. Qasym-Jomart Toqaev Qazaqstannyń ASEAN-daǵy mańyzdy seriktesi – dostas Sıngapýrmen tyǵyz yntymaqtastyqty joǵary baǵalaıtynyn jetkizdi. Kezdesý barysynda ekijaqty saýda-ekonomıkalyq jáne ınvestıtsııalyq baılanystardyń artqany aıtyldy.

Óz kezeginde Muhamed Malıkı bın Osman Qasym-Jomart Toqaevqa Premer-mınıstr Lı Sıan Lýnnyń izgi tilegin jetkizdi. Sıngapýr delegatsııasynyń basshysy óz eliniń Qazaqstanmen ózara is-áreketti odan ári nyǵaıtýǵa nıetti ekenin aıtty.

Kezdesý sońynda Sıngapýr mınıstri Memleket basshysyna Prezıdent Halıma ıAkobtyń Sıngapýrǵa memlekettik saparmen kelýge shaqyrýyn taǵy da rastady.

Foto: akorda.kz