Memleket basshysy retinde kóppartııalyq júıeni damytýǵa kúsh salýǵa mindettimin - Qasym-Jomart Toqaev

NUR-SULTAN. QazAqparat - Demakratııanyń basty jaýy - bilimsizdik pen popýlızm. Bul týraly Memleket basshysy Qasym-Jomart Toqaev Qazaqstan halqyna jyl saıynǵy dástúrli Joldaýynda málim etti, dep habarlaıdy QazAqparat tilshisi.

«El azamattarynyń múddesin qorǵaý jónindegi mańyzdy mıssııany burynǵydaı saıası partııalar atqara beredi. «Nur Otan» partııasy óziniń is-qımyly arqyly qoǵamymyzdaǵy jetekshi saıası kúsh ekenin dáleldep otyr. Partııa aldaǵy reformalardy júzege asyrýǵa belsene atsalysyp, óziniń áleýetin tolyqtaı paıdalanatyn bolady. Sonymen birge, men Memleket basshysy retinde shyn mánindegi kóppartııalyq júıeni damytýǵa kúsh salýǵa mindettimin. Biz bir orynda turǵan joqpyz. Saıası júıemizdi jańa jaǵdaıǵa beıimdep, ony birtindep jetildirip kelemiz», - dedi Prezıdent.

Osy oraıda Q. Toqaev saıası reformalar qoǵamǵa qajet ekenin atap ótti. Sondyqtan olar mindetti túrde óz jalǵasyn tabady.

«Demokratııanyń basty jaýy - bilimsizdik pen popýlızm. Osyny esten shyǵarmaǵan jón», - dedi Memleket basshysy.