Memleket basshysy: Respýblıkalyq mańyzy bar kúre joldar 100 paıyz jóndeledi

NUR-SULTAN. QazAqparat – Óńirlerdi, qalalardy, aýdandar men aýyldardy ózara baılanystyratyn ınfraqurylymdy jaqsartýǵa basymdyq beriledi. Bul týraly búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Aýmaq pen keńistik turǵysynan elimizdiń teńgerimdi damýyna toqtalsaq, bul rette barlyq óńirlerdi birtutas ekonomıkalyq keńestik arqyly baılanystyratyn asa mańyzdy salalardy damytýǵa basa nazar aýdaramyz. Atap aıtqanda, kóliktik, energetıkalyq jáne tsıfrlyq ınfraqurylymdar. Biz basqara alatyn ýrbanızatsııany eskerip, damý oshaqtaryn júıeli ilgeriletýge kúsh salymyz. Óńirlerdi, qalalardy, aýdandar men aýyldardy ózara baılanystyratyn ınfraqurylymdy jaqsartýǵa basymdyq beriledi», - dedi Prezıdent.

Memleket basshysynyń aıtýynsha, jańa standarttarǵa sáıkes 3500-den astam aýyl jańǵyrtylady.

«Aınalasyndaǵy eldi mekenderdiń tiregi sanalatyn árbir aýylǵa baratyn joldar men respýblıkalyq mańyzy bar kúre joldar 100 paıyz jóndeledi», - dedi Q. Toqaev.

Aıta ketsek, QR Prezıdenti Qasym-Jomart Toqaev 7-shi shaqyrylǵan Parlamenttiń 1-shi sessııasyn ashty.

Otyrysqa Senattyń 49 depýtatynyń 42-si, Májilistiń 107-i depýtatynyń 99-y qatysyp otyr.