Memleket basshysy Pavlodardaǵy «GiessenHaus» JShS-ne bardy

ASTANA. QazAqparat - Qazaqstan Prezıdenti balqytylǵan allıýmınıı jáne jeńil qorytylatyn avtomobıl dıskilerin óndirýdiń tehnologııalyq úderisimen tanysty, dep habarlaıdy Aqordanyń baspasóz qyzmeti.

Memleket basshysyna «Pavlodar» erkin ekonomıkalyq aımaǵynda júzege asyrylyp jatqan ındýstrııalyq jobalar jóninde baıandaldy.

Sonymen qatar, Nursultan Nazarbaevqa daıyn ónim úlgileri, atap aıtqanda, jylytý radıatorlary, avtomobılderdiń qosalqy bólshekteri, temir jol vagondarynyń dóńgelekteri kórsetildi.

Sondaı-aq Nursultan Nazarbaev «Kazenergokabel» aktsıonerlik qoǵamyna bardy. Memleket basshysy onda toq ótkizetin kabel jasaý tehnologııasymen jáne kásiporynnyń damý perspektıvalarymen tanysty.

Qazaqstan Prezıdentine ishki jáne sheteldik naryqqa shyǵarylatyn daıyn ónim úlgileri de kórsetildi.

Foto: pavlodar.gov.kz